‘મોંઘું એટલું સારું’ની માન્યતા પણ કારણ: JEE, NEETનો ક્રેઝ વધ્યો એટલે 4 વર્ષમાં CBSEની 11 હજાર સ્કૂલ વધી જ્યારે GSEBની 6047 ઘટી ગઈ – Gandhinagar News

.

રાજ્યમાં ગુજરાત માધ્યમિક શિક્ષણ બોર્ડ(GSEB)ની શાળાઓ ચાર વર્ષમાં 6,047 ઘટી છે. જ્યારે સેન્ટ્રલ બોર્ડ ફોર સેકન્ડરી એજ્યુકેશન(CBSE) બોર્ડની 11,031 શાળાઓ વધી છે. કેન્દ્રીય શિક્ષણ મંત્રાલયના યુનિફાઇડ ડિસ્ટ્રિક્ટ ઇન્ફર્મેશન સિસ્ટમ ફોર એજ્યુકેશન (UDIS E) રિપોર્ટ મુજબ, 2018-19માં રાજ્યમાં માધ્યમિક સ્તરની જીએસઇબી બોર્ડની સ્કૂલો 10,685 હતી, જે 2021-22માં 4,638 થઇ હતી અને સીબીએસઇ બોર્ડની સ્કૂલો 389થી વધીને 11,420 થઇ છે. ગુજરાત બોર્ડથી કેન્દ્રીય બોર્ડમાં જવાના કારણો જોઇએ તો વાલીઓમાં માન્યતા છે કે, મોંઘું એ સારું એટલે સીબીએસઇની ઊંચી ફી હોવાથી પોતાના બાળકોને રાજ્ય બોર્ડ છોડાવી કેન્દ્રીય બોર્ડમાં મૂકે છે. આ ઉપરાંત રાજ્ય બોર્ડના અભ્યાસક્રમનું માળખું, પરિણામ અને અસ્થિર નીતિના કારણે વાલી-વિદ્યાર્થીઓ તો ઠીક શાળા સંચાલકો પણ કેન્દ્રીય બોર્ડ તરફ વળ્યા છે. કેન્દ્રીય બોર્ડના વધતા જતા ક્રેઝનું કારણ ધો.12 પછી JEE અને NEET પરીક્ષામાં પણ CBSEની ભૂમિકા હોવાથી વિદ્યાર્થીઓને સરળતા રહે છે.

‘જે સારું આપે એ ચાલશે જ’

બંને બોર્ડની પદ્ધતિ અલગ અલગ છે. ગુજરાત બોર્ડ સ્થાનિક સ્તરે રાજ્યના ઇતિહાસ, ભૂગોળ અને સ્થાનિક ભાષાને ધ્યાનમાં રાખીને કામ કરે છે. તેથી કહી શકાય કે, બંને બોર્ડમાં કોઈ હરીફાઈ નથી, પરંતુ એટલું ચોક્કસ કહી શકાય કે જે સારું આપે એ ચાલશે જ. ભલે પછી એ કોઈપણ બોર્ડ હોય. CBSEનો એક ક્રેઝ હોવાનું પણ કહી શકાય’ > બંછાનિધિ પાની, GSEB ચેરમેન

GSEB 57% ઘટી, CBSE 30 ગણી થઈ

‘બોર્ડની ઉદાસીનતાના કારણે વાલીઓ ગુજરાત બોર્ડ છોડી રહ્યાં છે’

વાલીઓની આંધળી દોટ અને સરકારની શિક્ષણ પ્રત્યેની ઉદાસીનતાને કારણે ગુજરાત બોર્ડની શાળાઓ ઘટે છે. બોર્ડ અને શિક્ષણ વિભાગમાં ઇચ્છાશક્તિના અભાવથી બાળકો સીબીએસસી તરફ ખેંચાય છે. બોર્ડની અસ્પષ્ટ નીતિના કારણે પણ વાલીઓ દૂર ભાગી રહ્યા છે. શાળાને માન્યતા આપવામાં પણ લાંબો સમય લાગતા સંચાલકો અન્ય બોર્ડ તરફ વળી રહ્યા છે.’ > પ્રિયવદન કોરાટ, સિનિયર સભ્ય, ગુજરાત માધ્યમિક શિક્ષણ બોર્ડ

ગુજરાત બોર્ડ છોડવાનાં શાળા સંચાલકોએ આપેલાં કારણો

​​​​​​​